مشاكل جهاز الكمبيوتر وحلها

اشياء لا تعلمها عن جهازك تمنعك من تسطيب ويندوز

السلام عليكم ورحمة الله وبركاته اخوانى زوار واعضاء

الكثير منا يعنى فى بعض الاوقات من وقوع النسخه  بعد فتره بسيطه  لا تتعدى الاسبوع ولا يعلم السبب فى ذاللك وايضا ممكن يجى يعمل نسخه للجهاز الجها ما يقبلش اى اسطوانه او فلاشه اذا كنت مثبت الويندوز عليها  وايضا تلاقى الجهاز مهنج وبطى اكنه عنده 50سنه  انا ليس عندى خبره كبيره كالمحترفين فى تصليح الاجهزه او التعامل معها ولكن الحياه والعمل على اجهزتى علمتنى بعض الاشياء التى كنت الجا لها لمحلات الصيانه

كتنزيل ويندوز للجهاز

الجهاز اشتغل ولم يكمل الدخول للويندوز

النسخه بتفضل تقع فى فتره صغيره

الجهاز شغال باور والكهربا واصله بس ما بيقدش الشاشه

الجهاز انطفى مره واحده ومش راضى يقيد

الجهاز مش قابل اى ويندوز ولا راضى يخش عالويندوز اللى فيه

نبدا على بركة الله واحده واحده 

الخطوات كالاتى 

1- لو الجهاز مش راضى يشتغل  خالص يبقى فيه ثلاث حاجات ممكن تكون سبب فى ذالك واولهم

كابل الباور اللى موصل للجهاز الكهرباء شوفه  او غيره وجرب  لو الجاز اشتغل يبقى تمام  ولو ما اشتغلش نخش على تانى سبب ممكن يكون هوا 

الباور سبلايت ممكن يكون محروق  غيره وجرب ولو الجهاز اشتغل يبقى خلاص المشكله اتحلت ولو اشتغل  ومش راضى يفتح الشاشه

الرامات  تشيلها وتنظفها بماده طياره  كالتينر او يوجد مواد اخرى للتنظيف  وانشاء الله يشتغل  ولو لا قدر الله بردو مش راضى  يقيد الشاشه نغير الرامات وامرنا الى الله

 ولو مشتغلش يبقى لا قدر الله البورده بها عيب  اجرى على اى مركز صيانه يشوفلك فيه اى ومتقولوش ان انا قولت لك حاجه 

2- لو الجهاز بتاعك مش قابل اى ويندوز ولا راضى يقراء  الاسطوانات

يبقى  شوف الكابلات الداتا للجهاز اللى متوصله للهارد ديسك او لقارىء السيديهات  وانشاء الله يقبل ويشتغل وتدعيلى

3- لو الجهاز بتاعك انطفى مره واحده ومش راضى يقيد خالص مع ان كابل الباور سليم 

يبقى العيب فى الباور سبلايت  تروح على اقرب مركز صيانه وتشترى واحد وتركبه وهايشتغل وهايبقى كويس

4- لو الجهاز بتاعك  بيوقع النسخه  بسرعه 

يبقى العيب فى الباور سبلايد تغيره بسرعة البرق ليدمر لك الهارد بالباد سيكتور لان الباور سبلايد  هوا المسؤل عن دخول الكهربا بنسبه معينه لتشغيل الجهاز ولو حصل فيه عطل او  التراب كتير عليه او المروحه اللى بتبرده  باظت  يبقى هايتلف الهارد بتاعك وهايخلى جهاز يبطى وتلاقيه بيقف فى بعض الاحيان

انا مش ضليع فى الشروحات بس طلعت اللى عندى واللى افهمه ولسه فى حاجات تانيه انشاء الله فى الدروس االجايه هاشرحها بطريقتى وياريت اكون ملغبطش والكل يفهمنى بسهوله لان بيتهايالى كلامى مش معقد والسلام عليكم ورحمة الله وبركاته